Siglir tar il cuntegn

Header

Navigaziun

cuntegn

Brexit en Gronda Britannia «El vul prender nus davent da l'Europa en la bratscha da Trump»

Il schef da la partida britannica Labour Jeremy Corbyn vul far cupitgar il prim-minister Boris Johnson cun ina proposta da disfidanza en il parlament. Quai ha el scrit en ina brev als schefs da las partidas d'opposiziun ed a deputads conservativs dals Tories, ch'èn malfidaivels.

Jeremy Corbyn ha publitgà sia charta sin il servetsch da messadis curts Twitter:

Il primminister Boris Johnson provia desperadamain da prender la gronda Britannia or da l’UE, argumentescha Jeremy Corbyn en in intervista, ch'el ha publitgà sin ses accounts da Twitter.

El ans prenda davent da l’Europa ed en la bratscha da Donald Trump cun sia obsessiun per in no deal Brexit.
Autur: Jeremy Corbynschef da la partida britannica Labour

Jeremy Corbyn declera sia attatga sin Johnson via Twitter:

Corbyn vul sez surpigliar ad interim il post da prim-minister ed uschia impedir che la Gronda Britannia sorta da l'UE senza cunvegna. El vul spustar il Brexit e proclamar novas elecziuns.

Legenda: Guardar il video Pertge vai insumma tar il Brexit?. Durada 02:20 minutas.
Or da Actualitad video dals 06.04.2019.

RR novitads 15:00