Siglir tar il cuntegn

Header

audio
Chadaina da Fortuna: Corona fa la vita anc pira per ils Rohingya en il Bangladesch
Or da Actualitad dals 22.10.2020.
laschar ir. Durada: 4 minutas 25 Secundas.
cuntegn

Champs da fugitivs Rohingya 20% dapli povradad en il Bangladesch pervi da corona

Dapi il 2017 vivan tschientmillis Rohingya en champs da fugitivs en il Bangladesch. Quai suenter che blers da la minoritad muslima èn vegnids stgatschads dal Myanmar. La pandemia da corona pegiurescha la situaziun en ils champs.

Cunzunt duas chaussas fan quitads a Barbara Dietrich da l'organisaziun d'agid Helvetas, ch'è activa en ils champs da fugitivs dals Rohingya en il Bangladesch. Per l'ina saja il sistem da scola crudà ensemen, per l'autra funcziuneschia il provediment da nutriment mal.

Scola suenter trais onns

En sasez avessan ils millis d'uffants en ils champs da fugitivs gì da cumenzar la scola tenor il plan d'instrucziun da Myanmar quest onn. Entras la pandemia da corona na saja quai dentant betg stà pussaivel, di Barbara Dietrich che coordinescha las acziuns d'agid da Helvetas en il Bangladesch, envers RSI. Uschia stoppian ils voluntaris al lieu dar scola ad hoc als uffants ch'els emprendian almain il minimum.

Sistem da nutriment na funcziuna betg

Er il sistem da nutriment saja crudà ensemen. Uschia hajan ils fugitivs construì in sistem durant ils ultims trais onns ch'els vivan els champs. Cun las mesiras da corona saja quel dentant crudà ensemen, uschia n'hajan ils fugitivs betg daners per cumprar legums. Els survegnian sulettamain las victualias da basa sco ris e fava che vegnan furnidas. Quai mainia ad ina alimentaziun manglusa.

Enfin 1 milliun Rohingya

Avrir la box Serrar la box
Legenda: Keystone

Dapi ch'il conflict tranter ils abitants dal Myanmanr e la minoritad muslima dals Rohingya è escalà il 2017 èn tschient millis Rohingya sin la fuigia. Blers dad els abiteschan uss en champs da fugitivs en il Bangladesch. Tranter auter a «Cox Bazar», quai è il pli grond champ dal mund.

RTR actualitad 07:00

Artitgels legids il pli savens