Siglir tar il cuntegn

Header

audio
Chadaina da Fortuna: Chasper Sarott, l’ambassadur svizzer en il Madagascar, davart corona en il pajais
Or da Actualitad dals 22.10.2020.
laschar ir. Durada: 10 minutas 1 Secunda.
cuntegn

Madagascar en temp da corona L'ambassadur svizzer Chasper Sarott dat invista

L'insla Madagascar è enconuschenta per sia bellissima natira, dentant la glieud là tutga tar ils pli povers dal mund. Actualmain è la situaziun da corona sa calmada, mabain il pajais ha gia gì duas giadas in lockdown cun mesiras fitg massivas, sco Chasper Sarott ha ditg ad RTR.

L'economia ha patì snuaivel, ed il turissem è pli u main a terra. Ina pluna hotels e restaurants restan serrads. La Svizra po gidar la glieud dal Madagascar, fin uss hai dà ina donaziun da savuns. Ed ina staziun da radio da giuvenils è vegnida sustegnida finanzialmain. En il pajais taidlan numnadamain trais quarts da la populaziun regularmain radio.

Nus avain pudì esser fitg preschents sco Svizra, e contribuir er nus a sustegnair Madagascar.
Autur: Chasper Sarott ambassadur svizzer en il Madagascar

Dapi var in onn lavura Chasper Sarott sco ambassadur en il Madagascar. Il diplomat ha gia abità en divers pajais, el è sta a lavurar en il Kasachstan, en il Libanon, en la Pologna ed a Berna.

Cura che Chasper Sarott ha cumenzà a Madagascar:

video
Chasper Sarott – dal diplomat tar l'ambassadur
Or da Telesguard dals 09.10.2019.
laschar ir. Durada: 3 minutas 21 Secundas.

RTR actualitad 08:00

Artitgels legids il pli savens