Siglir tar il cuntegn

Header

cuntegn

Conferenza mundiala dal clima Giuventetgna è confruntada cun 7x dapli fenomens d'aura extrems

Pervi da la midada dal clima sto la giuventetgna dad oz quintar cun set giadas dapli catastrofas natiralas che anc la generaziun ch'è naschida ils onns 60. Quai mussa il studi d'ina allianza globala che tutga tar l'organisaziun mundiala da sanadad WHO. Quai studi vegn preschentà a la conferenza mundiala dal clima a Glasgow.

Fenomens d’aura extrems

Bunamain tut ils giuvenils tranter 10 e 19 onns hajan da sbatter cun almain ina da las suandantas catastrofas:

  • stemprà
  • chalira
  • aria tschuffa
  • inundaziun
  • mancanza d'aua

Vinavant mussa il studi ch’era il ristg d’avair problems cun la sanadad, da stuair scappar da la patria, d’avair memia pauc da mangiar ed ina grond dischoccupaziun, saja bler pli grond.

Limitar il stgaudament

Per proteger las proximas generaziuns saja quai essenzial da limitar il stgaudament mundial sin 1,5 grads, sco la cunvegna da Paris prevesa. Ils uffants e giuvenils na s’empossian da nagut da la midada dal clima, ma stoppian viver cun las consequenzas, scriva il studi.

audio
Per tadlar curt e cumpact
aus RTR Audio vom 10.11.2021.
abspielen. Laufzeit 58 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga