Il congress american ha confermà l'elecziun dal democrat Joe Biden sco proxim president dals Stadis Unids. Il vicepresident Mike Pence ha annunzià il resultat uffizial en ina sesida communabla d'omaduas chombras.
Avant aveva il congress stuì interrumper la procedura per certifitgar ils resultads da l'elecziun presidiala. Aderents da Donald Trump eran entrads cun violenza en il capitol.
Donald Trump ha reagì sin la conferma dal congress. Era sch'el na va betg d'accord cun il resultat da las elecziuns, vegnia a dar ina surdada d'uffizi ordinaria.
