Il conflict tranter la Serbia ed il Cosovo escalescha: Ier ha schuldada serba arrestà trais policists cosovars. Sco reacziun na dastgian autos cun numers serbs betg pli entrar en il Cosovo. Quai rapportan medias localas. Dispitaivel saja il lieu nua ch’ils policists sajan vegnids arrestads: Tenor las autoritads dal Cosovo èn ils policists vegnids rapinads. Tenor indicaziuns da la Serbia èn ils policists vegnids arrestads sin territori serb. I n’è betg pussibel da verifitgar las pretensiuns fatgas a moda independenta.
Cosovo Schuldada serba ha arrestà trais policists cosovars
RTR novitads
