Suenter la greva disgrazia da pendiculara d'avant in'emna al Lago Maggiore èn puspè en libertad ils trais umens accusads. Quai ha decidì in derschader. Il schef da la societad da la pendiculara e dus ulteriurs collavuraturs da cader eran dapi la mesemna en arrest. Tenor emprimas investigaziuns duain els avair deactivà il sistem da frain d'urgenza suenter malregularitad en il manaschi da la pendiculara. Sco quai che la gasetta «La Stampa» rapporta, na dettia nagin privel ch'ils accusads fugian u manipuleschian mussaments. In dals accusads sa chattia però sut arrest da chasa.
L'emna passada è ina gondla da la pendiculara crudada giu. 14 persunas èn mortas.
