- Il vice-president american Mike Pence è sa cunvegnì tenor atgnas indicaziuns cun il president tirc Recep Tayyip Ergodan sin ina cunvegna d'armistizi en il nord da la Siria.
- La Tirchia haja empermess da desister durant ils proxims tschintg dis da tuttas acziuns militaras, ha ditg Pence suenter in'inscunter cun Erdogan ad Ankara.
- Anc avant in di aveva Erdogan annunzià ch'in armistizi na vegnia betg en dumonda.
Durant la pausa da cumbat possia la milissa curda YPG ir davent da la regiun, ha ditg Pence durant la conferenza da media. L'intervenziun militara da la Tirchia saja a la fin, strusch che la YPG haja bandunà il territori.
Ina delegaziun americana sut Mike Pence ed il president da la Tirchia Recep Tayyip Erdogan eran sa cunvegnids ier sin l'armistizi suenter pliras uras da discussiun.
audio
Per tadlar curt e cumpact
ord Novitads dals 18.10.2019.
Maletg: RTR
laschar ir. Durada: 1 minuta 12 Secundas.
RR novitads 21:00
