Siglir tar il cuntegn

Header

cuntegn

Effects positivs domineschan Vaccinar uffants cunter Covid-19

L'autoritad americana per medicaments FDA ha per l'emprima giada giuditgà l'effect dal vaccin cunter Covid-19 da Pfizer/Biontech per uffants tranter tschintg ed indesch onns e discurra da resultats positivs. La FDA vegn tar la conclusiun ch'ils avantatgs d'ina vaccinaziun en pli gronds che las ristgas per ils uffants en questa gruppa da vegliadetgna. L'autoritad americana per medicaments ha era publitgà datas d’in studi clinic da Pfizer che mussan ch'il vaccin haja ina protecziun cunter Covid-19 da 90,7% tar uffants tranter tschintg ed indesch onns. Quests resultads pudessan avair l'effect che la FDA lubescha il vaccin per uffants.

Decisiun l'emna proxima

Mardi proxim vul ina cumissiun d'experts da l'autoritad decider sch'ins duai cussegliar da laschar utilisar en il Stadis Unids il vaccin da Pfizer/Biontech cunter Covid-19 per vaccinar uffants tranter tschintg ed indesch onns.

Ord l'archiv

video
Vaccinar uffants e giuvenils cunter Covid-19
Or da Tagesschau dals 06.05.2021.
abspielen. Laufzeit 2 minutas 19 Sekunden.

RTR novitads 12:00;

Artitgels legids il pli savens

Scrollar a sanestra Scrollar a dretga