Elecziuns Frantscha - Duel en la televisiun: Macron vs. Le Pen

Quatter dis avant l’elecziun decisiva en Frantscha hai dà il sulet duel en la televisiun tranter ils dus candidats per la presidenza – il president en uffizi Emmanuel Macron e sia cuntracandidata Marine Le Pen. Passa duas uras han els tranter auter debattà davart la capacitad da cumpra, las rentas, l’immigraziun, l’Uniun europeica, ma er la guerra en l'Ucraina. Omadus candidats han cunzunt empruvà da gudagnar las vuschs dal populist da sanestra, Jean-Luc Mélenchon. Quel è vegnì terz da l’emprim scrutini. Tenor retschertgas vegniss il president liberal Macron actualmain sin 55% da las vuschs; la populista da dretga Le Pen sin radund 45%. L’elecziun decisiva è l’autra dumengia, ils 24 d’avrigl.