Siglir tar il cuntegn

Header

cuntegn

Emprim pajais Gronda Britannia lubescha vaccin da corona

Il vaccin da Biontech e Pfizer ha survegnì glisch verda da las autoritads britannicas. L'Uniun europeica spetga anc sin la decisiun.

Sco emprim pajais ha la Gronda Britannia approvà la lubientscha d'urgenza per il vaccin da corona da l'interpresa tudestga Biontech e ses partenari american Pfizer. L'autoritad per medicaments ha dà la lubientscha, ha communitgà la regenza a Londra.

A partir da proxima emna pon ins survegnir il vaccin en l'entira Gronda Britannia.
Autur: Matt Hancookminister da sanadad
purtret da Hancock en il parlament britannic.
Legenda: Matt Hancock, il minister da sanadad ha communitgà ch'il vaccin saja accessibel a partir da l'emna proxima en l'entir pajais. Keystone

Quai saja ina fitg buna novitad, ha ditg il minister da sanadad Matt Hancook. Mardi han Biontech e Pfizer dumandà per la lubientscha tar l'agentura da medicaments europeica. Sche la EMA dat glisch verda, pudess quai lubir da cumenzar a vaccinar la glieud anc avant la fin da quest onn.

Nagina lubientscha en Svizra

En Svizra na possian ins anc betg lubir in vaccin cunter corona. Quai ha ditg Claus Bolte, il manader da la sparta admissiun da Swissmedic al Point de presse avant las medias da la Chasa federala. I saja impurtant da dar la lubientscha tant pli svelt, ma betg sin donn e cust da la precauziun.

RTR novitads 09:00

Artitgels legids il pli savens

Scrollar a sanestra Scrollar a dretga