Siglir tar il cuntegn

Header

Il minister da l'exteriur Mohammed Dschawad Sarif crititgescha las ultimas sancziuns americanas.
Legenda: Il minister da l'exteriur Mohammed Dschawad Sarif crititgescha las ultimas sancziuns americanas. Keystone
cuntegn

«Fatscha dal reschim» Stadis Unids augmentan las sancziuns cunter l'Iran

  • Ils Stadis Unids han mess il minister da l’exteriur iranais Mohammed Dschawad Sarif sin la glista da sancziuns.
  • Tranter auter è sia entira facultad en ils Stadis Unids vegnida bloccada. . Quai ha communitgà la Chasa Alva a Washington.
  • Las novas sancziuns cunter Sarif pudessan augmentar las tensiuns tranter ils dus stadis.

Mohammed Dschawad Sarif saja la fatscha internaziunala dal reschim. El saja responsabel per la propaganda e las campagnas da dischinfurmaziun che sustegnian il program atomar da Teheran, uschia l’argumentaziun da la regenza americana.

Critica cunter las sancziuns

L'Iran ha crititgà las sancziuns dals Stadis Unids cunter lur minister da l'exteriur Mohammed Dschawad Sarif sco «punct culminant da tuppadad».

Sarif ha reagì via Twitter sin las sancziuns. Quellas sajan senza effect, damai ch’el na possedia nagina facultad ordaifer l’Iran.

Era il president iranais Hassan Rohani ha crititgà las sancziuns dals Stadis Unids cunter il minister da l’exteriur iranais Mohammed Dschawad Sarif. Per Rohani è il cunfar dals Stadis Unids «infantil». I saja in attest da povradad politic ma er moral.

RR novitads 09:00