Siglir tar il cuntegn

Header

cuntegn

Germania Er FDP pronta per discurs da coaliziun

Ensemen cun ils Verds e la SPD duai vegnir discutà davart in'eventuala coaliziun d'ampla tranter las trais partidas. Dentant resta er ina coaliziun da Jamaica cun la CDU/CSU ed ils Verds er vinavant en discussiun.

Gia gievgia veglian ins offrir ad Olaf Scholz discurs davart in sondagi per ina coaliziun en trais, ha declerà il schef da partida da la FDP, Christian Linder. Curt avant aveva la co-presidenta dals Verds, Annalena Baerbock declerà da proponer tals discurs da sondagi. En il discurs cun ils liberals hajan ins constatà d'avair avunda communabladads per realisar ina tala coaliziun.

Suenter las elecziuns dals 26 da settember avevan ils Verds e la FDP sco emprim discurrì in cun l'auter e silsuenter er cun la SPD e la CDU/CSU, per elavurar eventuals cumpromiss.

Coaliziuns pussaivlas

Avrir la box Serrar la box

La coaliziun pussaivla tranter la SPD, ils Verds e la FDP, vegn numnada la coaliziun d'ampla.

La coaliziun pussaivla traner la SPD, ils Verds e la CDU/CSU vegn numnada la coaliziun da Jamaica.

Il num dattan mintgamai las colurs da las partidas a la coaliziun.

Jamaica u ampla?

La SPD ha gudagnà las elecziuns cun 25,7% da las vuschs. La CDU/CSU avevan fatg 24,1%. Ils Verds daventan cun 14,8% la terz gronda fracziun en il Bundestag. La FDP è vegnida sin 11,5%. Las duas partidas pli pitschnas èn quellas che pudessan cupitgar la stadaira per ina nova regenza. In'ulteriura coaliziun da SPD e l'uniun da CDU/CSU vala sco betg probabla.

audio
Per tadlar: las novitads da las 12:00
04:33 min, RTR Audio dals 06.10.2021.
laschar ir. Durada: 04:33 minutas.

RTR novitads 12:00

Artitgels legids il pli savens

Scrollar a sanestra Scrollar a dretga