Hurican Irma chaschuna donns fin 50 milliardas

Il hurican Irma ha chaschunà donns da 32 fin 50 milliardas dollars. Quai tenor la stimaziun d'experts d'assicuranzas sco Air Worldwide, l'agentura da rating Moody's u er la reassicuranza Münchener Rück.

Um vid la lavur da construcziun. Bild in Lightbox öffnen.

Legenda da maletgs: I dat bler da far suenter che hurican Irma è passà. Keystone

La Caribica e las gruppas d'insla Keys èn vegnidas devastadas. Miami è sut l'aua: Hurican Irma era desastrusa e vegn a custar la branscha d'assicuranzas fitg bler. Ils donns pudessan muntar tranter 32 e 50 milliardas dollars.

Irma ha furià

Il stemprà è buffà avant in'emna cun ina spertadad da vent da fin 210 kilometers l'ura sur Florida. En tut èn dapli che 60 persunas mortas pervi dal stemprà. Il hurican ha dentant anc gì per consequenza che var 6,2 milliuns chasadas e fatschentas eran senza electricitad, passa 12'000 sgols èn crudads ora e las autoritad avevan stuì supplitgar var 6,3 milliuns persunas dad ir en segirtad.

RR novitads 09:00