Siglir tar il cuntegn

Header

cuntegn

Impeachment Senat ha decidì reglas da process

Suenter ina debatta da bunamain 13 uras ha il senat fixà ils detagls per la procedura da relaschada cunter il president american Donald Trump. Tenor quels survegnan ils represchentants da l’accusaziun sco er da la defensiun mintgamai 24 uras temp da preschentar lur pledoyers d’avertura. Quai repartì sin trais dis. Suenter duain ils senaturs avair la pussaivladad da tschentar dumondas a scrit.

Pir l’autra emna vul il senat decider sche perditgas vegnan citadas u betg.

Trump è il terz president en l’istorgia dals Stadis Unids encunter il qual i dat in uschenumnà «Impeachment» en il senat.

RTR novitads 10:00

Artitgels legids il pli savens