Siglir tar il cuntegn

Header

video
Nancy Pelosi: «Nagin stat sur la lescha» (tun original)
Or da News-Clip dals 05.12.2019.
laschar ir
cuntegn

Stadis Unids Procedura da destituziun envers Trump

La chasa da represchentants vegn ad iniziar la procedura da destituziun envers il president Donald Trump. Quai ha annunzià la pledadra dals democrats en la chasa da represchentants Nancy Pelosi. Trump haja cuntrafatg a la lescha per ses agen avantatg e periclità entras ses agir la segirezza naziunala dals Stadis Unids.

Catalisatur per l'agir dals democrats è in telefonat tranter Trump ed il president da l'Ucraina Wolodimir Selenski – l’uschenumnada «affera da l’Ucraina». President Trump haja mess sut squitsch Selenski per uschia cuntanscher ch’i dettia investigaziuns cunter il candidat democrat per la presidenza Joe Biden e ses figl. Quai pervi d’ina eventuala implicaziun dad els dus en la corrupziun en l’Ucraina.

Il grond obstachel spetga en il senat

Sche la chasa da represchentants, che vegn dominada dals democrats, chatta ina maioritad per relaschar Trump da ses uffizi, vegniss il senat american en acziun. Là han ils republicans, pia la partida dal president, dentant ina maioritad.

Pervia da la maioritad dals republicans en il senat è in uschenumnà «impeachment» dentant pauc probabel.

RTR novitads 16:00

Artitgels legids il pli savens

Scrollar a sanestra Scrollar a dretga