Siglir tar il cuntegn

Header

audio
Inscunter Biden – Putin: Ina emprima valitaziun curt suenter la fin dals discurs
Or da Actualitad dals 16.06.2021.
laschar ir. Durada: 07:09 minutas.
cuntegn

Inscunter suprem a Genevra Discurs da Putin e Biden pudessan purtar stabilitad

Ils Stadis Unids e la Russia sco las pli grondas pussanzas nuclearas – èn sa cunvegnids a novs discurs strategics per controllar l’armament. El sa legria da cumenzar quest dialog da stabilitad, ha il president american Joe Biden ditg suenter ses inscunter cun il president russ Wladimir Putin.

Il tun da l'entir inscunter è stà bun, positiv. I n'ha dà naginas acziuns agressivas.
Autur: Joe Bidenpresident american

Vitiers han il president american e ses collega d’uffizi russ fixà la finamira, da puspè installar lur ambassadurs a Washington ed a Moscau. Pervi da las grevas tensiuns politicas avevan ils dus pajais clamà enavos la primavaira lur top-diplomats.

Jau sun da l'avis ch’i n’ha dà nagina ostilitad – il cuntrari.
Autur: Wladimir Putinpresident russ

Wladimir Putin ha discurrì d’in inscunter zunt constructiv. Il president american ed el hajan pledà ina lingua cuminaivla. Las conferenzas da medias suenter l’inscunter dals dus presidents ha dentant gì lieu separadamain.

L’inscunter suprem da Genevra è stà l’emprim barat dals presidents da las duas grondas pussanzas nuclearas, dapi che Biden ha surpiglià ses uffizi il schaner passà. Ils discurs han durà passa trais uras.

RTR novitads 20:00

Artitgels legids il pli savens

Scrollar a sanestra Scrollar a dretga