La Confederaziun vul metter a disposiziun ulteriur agid dad in milliun francs per la populaziun da la Libia ch'è pertutgada da las inundaziuns. Malgrà che l'access saja difficil vegnia la Direcziun per il svilup e la collavuraziun DEZA a prender mesiras. Tranter quellas è er in'offerta a las Naziuns Unidas da trametter material e persunas dal fatg. La DEZA n'è betg sezza avant lieu en la Libia, e sto coordinar ses agid dal pajais vischin Tunesia anora, e collavurar cun l'ONU.
ll stemprà Daniel è fruntà la notg dals 10 sin ils 11 da settember sin la Libia da l'ost. Tenor la bilantscha uffiziala ha il stemprà chaschunà almain 3'868 unfrendas, millis da persunas valan però anc sco sparidas. Cunzunt la citad Derna è vegnida tutgada d'inundaziuns, chaschunada da dus rempars ch'èn ruts pervia da la blera plievgia.
