En l'Italia van ulteriuras restricziuns en vigur ch'effectueschan il viagiar. En hotels, ustarias, tar il traffic public ed il territoris da skis vala la regla da 2G. En il traffic public vala 2G betg mo per ils bus en las citads mabain er per trens, navettas ed aviuns. Er tar il sport d'equipas vala il medem. Tgi che vul per exempel dar ballape en l'Italia sto esser vaccinà u guarì.
Cun questas reglas pli strictas ch'eran gia vegnidas annunziadas la fin da l'onn passà reagescha la regenza taliana sin il dumber d'infecziuns che crescha a moda rasanta.
