Lesbos Evacuà prest trais quarts dals migrants

Sin l'insla greca Lesbos èn radund trais quarts dals 12’000 migrants vegnids transportads en in champ da tendas provisoric, quai suenter ch'il champ Moria èra brischà ils 8 e 9 da settember.

Autur: SDA / Dominik Hardegger

Ins haja registrà tuts per che las proceduras d'asil possian cuntinuar, rapporta in'agentura da novitads greca. Ultra da quai hajan ins fatg tests da corona: enfin ussa sajan dapli che 200 tests positiv. Ils migrants che sajan s'infectads cun Covid-19 vegnian isolads en ina part separada dal champ da tendas.