In dals utschels ils pli extraordinaris da la Nova Zelanda è per l'emprima giada dapi 40 onns puspè sin la terra ferma. Il return dal kakapo vala sco crap da miglia. Quatter kakapos masculins sajan vegnids purtads da Codfish Island en la regiun da Waikato, ha communitgà l'autoritad per la protecziun da la natira.
Fin ussa han ils kakapos be pudì surviver sin intginas inslas senza animals da rapina. Ils papagagls che na pon betg sgular e ch'èn in zic gross sajan ina da las pli raras spezias dal pajais. Ils utschels èn activs la notg e savuran da flurs. Pervia da ratuns, giats ed auters animals da rapina importads èn els stads en privel da svanir. Il 1995 devi mo pli 51 da quests animals, entant èn quai puspè 252.
Damai ch'i na deva nagins mammals sin las inslas isoladas n'han ils utschels betg sviluppà strategias da protecziun. Els vivan sin il fund e mettan er là ils ovs. Il pled kakapo è ina cumbinaziun dals pleds dals Maori «kaka» che munda papagagl e «po» che munta notg.
Or da l'archiv:
