Siglir tar il cuntegn

Header

video
WEF – Angela Merkel, Jaun Guaidó, Klaus Schwab
Or da Telesguard dals 23.01.2020.
laschar ir. Durada: 1 minuta 57 Secundas.
cuntegn

«Nus stuain agir» Angela Merkel pretenda dapli collavuraziun en dumondas dal clima

Angela Markel ha oz appellà al Forum mudial d'economia d'agir decididamain encunter la midada da clima.

La Chanceliera tudestga ha tematisà en ses pled las relaziuns cun ils Stadis Unids e las relaziuns cun la China. Il tema central è dentant stà la midada dal clima.

Nus stuain agir: Sche noss continent surviva u betg, dependa da la cunvegna da clima da Paris.
Autur: Angela Merkel Chanceliera tudestga

L'entir mund stoppia agir communablamain cunter la midada dal clima – quai ha ditg la Chanceliera tudestga Angela Merkel al Forum mundial d'economia a Tavau. Che la stgaudada globala vegnia restrenschida sin 1,5 grads, saja ina dumonda dal surviver da tut il planet.

audio
Saira: WEF – Il pled dad Angela Merkel
ord Actualitad dals 23.01.2020.
laschar ir. Durada: 3 minutas 14 Secundas.

Mesiras stoppian ins prender urgentamain tar la protecziun da las spezias e tar la midada dal clima. La finamira d'economisar fin il 2050 neutral al clima è tenor Angela Merkel in grond act da forza.

Critica envers Donald Trump

Pel mument na sajan betg pli tut ils stadis da la partida sch'i va per cumbatter il stgaudament climatic. Cun quai crititgescha la Chanceliera tudestga er ils Stadis Unids, ch'èn sortids da la Cunvegna da Paris.

RTR actualitad 17:00

Artitgels legids il pli savens