Siglir tar il cuntegn

Header

cuntegn

ONU Naziuns Unidas han contrahà cunvegna da protecziun da las mars

Dapi 15 onns van las tractativas. Uss èn ellas idas a fin. Cun la cunvegna duain las «auas avertas», che na tutgan betg tar pajais, vegnidas protegidas. I manca uss mo pli la ratificaziun tras las singulas naziuns. L'emprima giada vegni ad esser pussaivel da metter atras leschas per las «auas avertas».

Organisaziuns da l'ambient tschantschan d'in grond success. Las mars èn pli e pli fitg tschufragnadas e la populaziun da peschs periclitada tras la pestga industriala. Ditg han interess economics dals pajais engrevgià las tractativas.

Las finamiras da la cunvegna

En il futur duain activitads en las mars esser pli ecologicas. La cunvegna duai er proteger ina gronda part da la surfatscha da la mar. Ella è er part da la cunvegna da Montreal: là han 60 pajais decidì che 30% da la surfatscha dal mund sto esser protegida fin 2030. Fin uss è quai mo ina pitschna part.

audio
Per tadlar: las novitads da las 16:00
ord RTR Audio dals 05.03.2023.
laschar ir. Durada: 3 minutas 31 Secundas.

RTR novitads 10:00

Artitgels legids il pli savens