Siglir tar il cuntegn

Header

cuntegn

Permiss d’urgenza en USA Vaccinar uffants tranter 5 ed 11 onns cunter Covid-19

Il vaccin da Biontech/Pfizer po en ils Stadis Unids ussa era vegnir ultilisads per virolar uffants tranter tschintg ed indesch onns. L’autoritad per medicaments FDA ha dà il permiss d’urgenza al vaccin da Pfizer-Biontech. Il vaccin saja er effectiv e segir per questa gruppa, ha declerà la FDA. Tenor stan actual protegia il vaccin da Pfizer-Biontech en bunamain 90% dals cas. Cumpareglià cun creschids e giuvenils obtegnan uffants tranter tschintg ed indesch onns ina dosa dal vaccin bler pli pintga. La segunda virola obtegnan els suenter 21 dis.

Grazia a la lubientscha d’urgenza pudessan ils radund 28 milliuns uffants en il pajais vegnir vaccinads a partir da l’emna proxima. Dentant sto l’autoritad da sanadad CDC l’emprim anc lubir quai. Ils proxims dis duajan 15 milliuns dosas da serum vegnir furnidas a medis d'uffants, clinicas ed apotecas. Il vaccin da Pfizer-Biontech ha gia la lubientscha da vaccinar uffants e giuvenils davent da dudesch onns.

Ord l'archiv

audio
Co funcziuna il vaccin da Pfizer e Biontech insumma?
aus Actualitad vom 21.12.2020.
abspielen. Laufzeit 3 minutas 13 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga