Il dumber da requirents d’asil en l’Uniun europeica è sa reducì per radund in terz quest onn. En tut ils 27 stadis commembers ensemen saja il dumber sa reducì per bunamain 33% durant ils emprims nov mais da l’onn. Quai rapporta la «Funke Mediengruppe». La raschun principala per quest trens saja la crisa da corona.
Fin la fin da settember hajan ils stadis commembers da l’UE registrà totalmain passa 309'000 dumondas d’asil. Las cifras da l’ultim quartal n’èn anc betg avant maun. Quai ha communitgà l’uffizi da statistica Eurostat.
Er il 2020 saja la Germania la destinaziun la pli impurtanta da requirents d’asil. Sin ils proxims plazs suondian la Spagna e la Frantscha.