Siglir tar il cuntegn

Header

cuntegn

Pervia da la guerra Pretschs da mangiativas usché auts sco anc mai

Mangiativas èn stadas il mais passà uschè charas sco anc mai. La raschun perquai saja la guerra en l'Ucraina, scriva l'Organisaziun da las Naziuns Unidas per l'agricultura FAO. Cunzunt furment ed autras sorts da graun sajan vegnidas pli charas. L'Ucraina e la Russia exporteschan stgars in terz dal furment per l'entir mund. Uschia haja la populaziun mundiala pajà il mais passà 12,6% dapli per il da mangiar, ch'anc il favrer. En cumparegliaziun cun il mars avant in onn, sajan ils pretschs da mangiativas creschids per in terz.

Situaziun difficila per la populaziun da l'Africa

Il graun per il paun sco era la charn ed ils legums èn vegnids cleramain pli chars. Ils ris, il latg ed il zutger però èn restads pajabels. Quest svilup è surtut per la populaziun en l'Africa in problem, sco l'Organisaziun da las Naziuns Unidas di. En la Sahel n'è il provediment alimentar per 40 milliuns persunas betg garantì.

RTR novitads 14:00

Artitgels legids il pli savens