Il premi da Nobel per economia va quest onn a trais economs dals Stadis Unids. Undrads vegnan Ben Bernanke, Douglas Diamond e Philip Dybvig. Ben Bernanke è enconuschent sco anteriur schef da la Banca naziunala americana (FED). Diamond e Dybvig èn professurs d'economia a l'Universitads da Chicago e da St. Louis.
Ils trais economs vegnan undrads per lur retschertgas areguard bancas e crisas finanzialas, ha communitgà l’academia roiala svedaisa da la scienza.
Il Premi Nobel per economia datti pir dapi la fin dals onns 1960 ed è il sulet Premi Nobel che n'è betg inizià dad Alfred Nobel.
Premi Nobel 2022
Avrir la boxSerrar la box
Retschavidras e retschaviders dal Premi Nobel 2022 en las diversas categorias vegnan annunziads:
Glindesdi, ils 3 d'october: fisiologia u medischina
Mardi, ils 4 d'october: fisica
Mesemna, ils 5 d'october: chemia
Gievgia, ils 6 d'october: litteratura
Venderdi, ils 7 d'october: pasch
Glindesdi, ils 10 d'october: economia
Il Premi Nobel vegn surdà mintg'onn dapi il 1901 tradiziunalmain ils 10 da december, al di da la mort dal fundatur dal premi Alfred Nobel.
