Siglir tar il cuntegn

Header

video
Ils laureats dal premi nobel da la pasch vegnan annunziads
Or da News-Clip dals 07.10.2022.
laschar ir. Durada: 1 minuta 57 Secundas.
cuntegn

Premi nobel da la pasch 2022 Activists per dretgs umans da l'Europa da l'ost gudognan

Il comité dal premi Nobel onurescha ina persuna e duas organisaziun che s'engaschan per ils dretgs umans en Belarussia, en l'Ucraina e la Russia. Concret vegnan onurads:

  • l'advocat per dretgs umans belaruss Ales Bialiatski
  • l'organisaziun per dretgs umans russa Memorial
  • il Center for civil liberties da l'Ucraina

Ales Bialiatski ha furmà il moviment democratic en Belarus ils onns otganta ed è fundatur da l'organisaziun per dretgs umans «Viasna» (per rumantsch primavaira). El è dapi il 2020 en praschun - senza process.

L'organisaziun russa dals dretgs umans «Memorial» è vegnida fundada l'onn 1987, tranter auter dal purtader dal premi Nobel da la pasch, Andrerei Sacharow. L'organisaziun aveva la finamira da s'occupar cun violaziuns dals dretgs umans en il territori russ. L'onn 2021 è l'organisaziun vegnida scumandada e sfurzada da sa schliar.

L'organisaziun ucranaisa «Center for Civil Liberties» è vegnida fundada l'onn 2007 ed ha la finamira da promover la democrazia ed ils dretgs umans en l'Ucraina.

Sco ch'il comitè dal premi ha declerà represchentian ils laureats la societad civila en lur pajais. Els hajan promovì il dretg da crititgar e defendì ils dretgs civils durant blers onns. Els demonstreschian ensemen l'impurtanza da la societad civila per la pasch e democrazia.

Premi Nobel 2022

Avrir la box Serrar la box

Retschavidras e retschaviders dal Premi Nobel 2022 en las diversas categorias vegnan annunziads:

  • Glindesdi, ils 3 d'october: fisiologia u medischina
  • Mardi, ils 4 d'october: fisica
  • Mesemna, ils 5 d'october: chemia
  • Gievgia, ils 6 d'october: litteratura
  • Venderdi, ils 7 d'october: pasch
  • Glindesdi, ils 10 d'october: economia

Il Premi Nobel vegn surdà mintg'onn dapi il 1901 tradiziunalmain ils 10 da december, al di da la mort dal fundatur dal premi Alfred Nobel.

RTR novitads 11:00

Artitgels legids il pli savens