Siglir tar il cuntegn
Dunnas che protestan e forzas da segirezzas che han zuppentà la fatscha.
Legenda: Tar las protestas da la sonda èn passa 300 dunnas vegnidas arrestadas. Keystone

Protests da dunnas Bielorussia Lukaschenko smanatscha cun violenza

En la Bielorussia smanatschan las autoritads cun violenza, sche la glieud prendia part a demonstraziuns betg lubidas cunter il president Lukaschenko. Las forzas da segirezza han serrà giu cun giatters da metal differentas plazzas grondas plazzas a Minsk, tranter auter er la plazza d'independenza.

Tar la demonstraziun da las dunnas da la sonda, encunter il president, Alexander Lukaschenko, èn vegnidas arrestadas passa 300 demonstrantas. Tenor indicaziuns uffizialas sajan la gronda part da las dunnas puspè libras. La dumengia passada eran tenor il ministeri da l'intern 774 persunas vegnidas arrestadas. Observaturs avevan discurrì da 150'000 participants.

Dapi las elecziuns dal president, ils 9 d'avust 2020, en la Bielorussia datti quasi mintga di protestas cunter Lukaschenko.

Ord l'archiv:

RTR novitads 12:00

Artitgels legids il pli savens