Siglir tar il cuntegn

Header

video
Protests en ils Stadis Unids cuntinuan
Or da Tagesschau dals 01.06.2020.
laschar ir
cuntegn

Protests en USA Trump smanatscha da mobilisar l'armada

Il president american Donald Trump ha smanatschà cun in acziun da l'armada en l'entir pajais. Uschia vul er franar ils cravals che duran gia dapi dis.

Durant in pled avant la Chas'alva a Washington ha Donald Trump ditg ch'el veglia far ina fin als acts da violenza ed a l'anarchia en la terra. Sch'ils burgamesters ed ils guvernaturs na vegnian betg da procurar per segirtad en ils lieus pertutgads vegnia el a mobilisar tut las forzas civilas e militaras ch'èn a disposiziun per franar ils cravals.

Demonstraziuns cunter violenza da la polizia

En bleras citads dals Stadis Unidas datti dapi dis demonstraziuns encunter la violenza da la polizia, il rassissem e la malgistadad sociala. Quellas èn per part cupitgadas en violenza. Trump ha perquai gia pliras giadas appellà als politichers democratics da prender mesiras pli rigurusas e renfatschà ad els flaivlezza. La raschun per ils protests è la mort dad in afro-american suenter in'acziun da polizia brutala a Minneapolis.

Per tadlar curt e concis:

RTR novitads 06:00

Artitgels legids il pli savens

Scrollar a sanestra Scrollar a dretga