Siglir tar il cuntegn

Header

cuntegn

Restricziun per 30 dis Stadis Unids han decretà in stop d'entrada da l'Europa

  • Perquai ch'il coronavirus s'extenda, han ils Stadis Unids decretà in stop d'entrada per esters da l'Europa. Il scumond d'entrada vala per il spazi da Schengen ed uschia er per la Svizra.
  • Quest stop d'entrada en il pajais vala ad interim per 30 dis.
  • ll scumond d'entrada va en vigur il venderdi da mesanotg, temp local, pia sonda damaun.

Sco ch'il president american Donald Trump ha ditg, dettia excepziuns per burgais americans, quai dentant be sch'els laschan far ils tests correspundents. Plinavant na valia il stop betg per la Gronda Britannia. El ha giustifitgà il stop d'entrada che la UE n'haja betg decidì las medemas mesiras da protecziun sco ils Stadis Unids ed er betg impedì ad uras viadis da la China en l'Europa.

Pli grond engaschament en l'istorgia moderna

Nus mobilisain l'entira forza da la regenza e dals secturs privats per proteger ils umans en America.
Autur: Donald Trumppresident dals Stadis Unids

I saja il pli decisiv e vast engaschament en l'istorgia moderna per cumbatter in virus da l'ester.

Fin uss èn mortas 37 persunas en ils Stadis Unids en consequenza dal virus Covid-19, varga 1'100 èn infectadas.

RTR novitads 06:00

Artitgels legids il pli savens

Ir a sanester Ir a dretg