L'Organisaziun mundiala da la sanadad (WHO) stima che 145 milliuns persunas eran pertutgadas sin tut il mund da sintoms da Long Covid per almain trais emnas. En Europa èn quai tenor il model da la WHO 17 milliuns persunas.
L'examinaziun mussa che la probabilitad da survegnir Long Covid è dubel uschè gronda per dunnas sco per umens, ha communitgà la WHO vinavant. Ultra da quai s'augmentia il ristg da Long Covid suenter ina greva infecziun da corona . Tenor il quint da model haja ina da trais dunnas pertutgadas ed in da tschintg umens pertutgads da cumbatter cun sintoms a lunga vista suenter in decurs da la malsogna grev.
