Il mund sa chatta tenor il secretari general da l'ONU Antonio Guterres en ina «crisa da furmaziun globala». La situaziun saja bler pli mala che quai ch'i saja conscient a blers, ha Guterres ditg a l'ur da l'inscunter suprem davart la furmaziun a New York. Bleras finamiras grondas da l'ONU en connex cun la midada dal clima, la democrazia u ils dretgs umans hajan numnadamain er da far cun la furmaziun u cun la mancanza da quella.
Perquai vul l'ONU lantschar in'iniziativa per la furmaziun. Per mussar l'urgenza da quella èn vegnidas numnadas trais cifras frappantas davart la situaziun mundiala:
- 260 milliuns uffants na van betg a scola
- 400 milliuns uffants sut 11 onns na sappian betg leger ni scriver.
- 840 milliuns uffants n'han la fin da la scola naginas qualificaziuns per la vita da lavur
La finamira da l'ONU è da metter a disposiziun 10 milliardas dollars per investir en la furmaziun en pajais povers fin il 2030.
audio
Per tadlar: curt e cumpact
ord RTR Audio dals 20.09.2022.
laschar ir. Durada: 49 Secundas.
