Siglir tar il cuntegn

Header

video
Er segund impeachment cunter Trump fa naufragi
Or da Tagesschau dals 13.02.2021.
laschar ir
cuntegn

Segund impeachment Senat declera Trump nunculpant

En ils Stadis Unids ha il senat declerà per nunculpant l’anteriur president Donald Trump en la segunda procedura da relaschada d'uffizi. Cun quai è Trump liber da la renfatscha d'avair instigà ses aderents dad assaglir il Capitol l’entschatta da l’onn.

Ina maioritad da 57 senaturs ha bain vuschà cunter Trump. Ma per condemnar l'anteriur president american fiss stada necessaria ina maioritad da dus terzs, pia da 67 vuschs. Sche Trump fiss vegnì condemnà, n'avess el betg pli pudì candidar per il presidi american.

Trump è cuntent

Trump sez ha beneventà la decisiun dal senat e declerà che ses moviment politic haja pir cumenzà. El ha engrazià als senaturs republicans. Ils democrats percunter hajan empruvà da sutminar il stadi da dretg, uschia Trump vinavant.

RTR novitads 06:00

Artitgels legids il pli savens

Scrollar a sanestra Scrollar a dretga