Siglir tar il cuntegn

Header

Nancy Pelosi, pledadra da la chombra dals represchentants.
Legenda: Nancy Pelosi, pledadra da la chombra dals represchentants, maina la votaziun finala davart la procedura da relaschada d’uffizi cunter Trump. Keystone
cuntegn

Segunda procedura Impeachment cunter Donald Trump

Donald Trump è l’emprim president dals Stadis Unids che sto sa confruntar cun ina segunda procedura da relaschada d’uffizi.

La chombra dals represchentants, che vegn dominada dals democrats, ha decidì d'accusar Trump pervia da «provocaziun a rebelliunu» e d’arver uschia in uschenumnà «impeachment» encunter il president american.

L'impeachment sco tal vegn manà en la segunda chombra dal congress, il senat. Là fiss ina maioritad da 2/3 necessaria per sentenziar Donald Trump. Quai munta che passa in tozzel senaturs republicans stuessan s’exprimer encunter Trump. Il senat decida probabel pir suenter la saramentaziun dal nov president Joe Biden ils 20 da schaner en chaussa.

Als democrats vai tar l'impeachment era persuenter da sclauder Trump per l'avegnir d'uffizis publics. Uschia na pudess el era betg candidar il 2024 sco president.

video
Impeachment eingeleitet
Or da Tagesschau dals 14.01.2021.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga