Siglir tar il cuntegn

Header

cuntegn

Situaziun da Covid 2G vala a partir da glindesdi en Austria

En l'Austria pon a partir da glindesdi be pli persunas vaccinadas u guaridas ir en restaurants, hotels u retschaiver servetschs che dovran in contact corporal. Quai ha la regenza conservativ-verda decidì en vista a las cifras d'infecziun che creschan. Er tar occurrenzas cun 25 u dapli persunas vala la regla da 2G.

Nus vegnin a trair pli stretg las mastrinas per persunas betg vaccinadas.
Autur: Alexander Schallenberg chancelier da l'Austria

Venderdi è la cifra da novas infecziuns en Austria stada tar 9'388 – fitg datier dal record d'enfin uss, da 9'586 novas infecziuns, ch'i aveva dà avant radund in onn. Oriund aveva la regenza austriacca decidì da be vulair introducir in lockdown parzial per betg vaccinads, sche passa 500 letgs sin l'intensiva sajan occupads da pazients da corona. Il mument èn quai bain be 352 letgs, dentant vegnan ils 500 ad esser cuntanschids en paucs dis, ha ditg il minister da sanadad Wolfgang Mückstein.

Ord l'archiv:

video
Austria rinforza reglas da corona, Svizra targlina
Or da SRF News dals 21.09.2021.
abspielen. Laufzeit 1 minuta 40 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga