Sortida da l'Uniun europeica - Johnson vul negoziar da nov il Brexit - Novitads

Sortida da l'Uniun europeica Johnson vul negoziar da nov il Brexit

Autur: SDA / Urs Müller

Il «Backstop» duai garantir in cunfin avert tranter l’Irlanda e l’Irlanda dal Nord.

Quai pretenda Boris Johnson en ina brev al president dal cussegl da l’UE Donald Tusk.

Il «Backstop» è ina schliaziun transitorica per il cunfin tranter l'Irlanda dal Nord e l'Irlanda. I na duai numnadamain dar nagin cunfin dir cun controllas al cunfin. Sche bain vegn temì ch'i pudess puspè dar violenza en l'anteriura regiun da guerra civila.

Ils adversaris teman che la schliaziun pudess daventar ina schliaziun definitiva e che la Gronda Britannia restass liada memia ferm a l'Uniun europeica.

Il «backstop» na saja betg cumpatibel cun la suveranitad dal Reginavel Unì.

L’UE vul però questa regla. Johnson aveva adina puspè suttastritgà ch’el veglia anc ina giada negoziar cun l’UE davart il Brexit.

Il nov primminister ha suttastritgà che la Gronda Britannia vegnia a sortir en mintga cas da l’UE la fin d’october.