En la gasetta «Corriere della sera» ha il primminister Giuseppe Conte fatg speranza a ses conburgais cun dir che questa stad possian ins ir a la mar u en las muntognas. In termin exact n'ha el dentant betg numnà.
Actualmain na dastgan ils Talians betg ir d'ina regiun en l'autra senza in motiv stringent. Schebain er turists da l'exteriur dastgan far vacanzas en l'Italia, n'ha Conte betg ditg. Il dumber da las infecziuns novas tschessa en l'Italia.
La gronda part da la splagias èn actualmain serradas. En singuls lieus na resguarda la glieud betg il scumond. En Sicilia han maletgs da splagias plainas dà da discutar.
Ord l'archiv
video
Discussiuns davart l'avertura da cunfins per la stad
Or da Tagesschau dals 28.04.2020.
laschar ir. Durada: 54 Secundas.
