Siglir tar il cuntegn

Header

audio
Bler dapli plastic en ils oceans fin 2050.
Or da RTR Audio dals 08.02.2022.
laschar ir. Durada: 1 minuta 8 Secundas.
cuntegn

Studi nov Quatter giadas uschè bler plastic en la mar fin 2050

Il plastic pudess pegiurar a moda dramatica la situaziun dals oceans. In studi ch'il WWF ha laschà far avertescha da consequenzas fatalas.

Il studi che l'institut Alfred-Wegener ha fatg, mussa ch'il plastic en ils oceans sa quadrupleschia fin 2050. Tenor Axel Hein, expert per ils oceans tar il WWF Austria, sa dublegia la producziun da plastic fin 2040. Quai chaschunia fin quatter giadas dapli particlas da plastic grondas en ils oceans. Quai plastic sa decumpona silsuenter tar micro- e nano-plastic. A la fin dal tschientaner possia dar 50 giadas dapli microplastic ch'ussa.

Ina surfatscha da la mar da radund 5 milliuns kilometers quadrat pudess avair ina concentraziun da microplastic che periclitescha il sistem ecologic. Pervi da quai pretenda il WWF da la conferenza da l'ambient da l'ONU ina cunvegna lianta cunter dapli rument da plastic. Quella ha lieu ils 28 da favrer fin ils 2 da mars a Nairobi.

Ord l'Archiv

video
Anna Sidonia Marugg ha intercurì il microplastic en l'En
Or da Telesguard dals 11.06.2020.
laschar ir. Durada: 3 minutas 7 Secundas.

RTR novitads 06:00

Artitgels legids il pli savens