Siglir tar il cuntegn

Header

cuntegn

Suenter cravals Investigaziuns cunter anteriur president Jair Bolsonaro

Pervi dals cravals a Brasilia, la chapitala brasiliana, la fin d’emna passada, datti uss er investigaziuns cunter l’anteriur president Jair Bolsonaro. Il tribunal suprem haja dà suatientscha a la pretensiun da la procura generala en chaussa, hai num en ina communicaziun. Uschia è la via libra d’investigar cunter Bolsonaro ed intercurir sia rolla pertutgant ils cravals. Concret duaja vegnir sclerida la dumonda, sch’el haja instigà ses aderents radicals. Er cunter ulteriuras persunas vegn investigà.

La fin d’emna passada han tschients d’aderents da Bolsonaro assaglì en il quartier da la regenza il palaz dal president, il congress ed il tribunal suprem. Las persunas che protesteschan na reconuschan betg che Luiz Inácio Lula da Silva ha gudagnà las elecziuns encunter Bolsonaro.

Dons
Legenda: Durant il cravals è tranter auter vegnì attatgà il bajetg dal tribunal suprem. Keystone

Or da l'archiv

video
Aderents da Bolsonaro assaglian il congress a Brasilia
Or da News-Clip dals 08.01.2023.
laschar ir. Durada: 45 Secundas.

RTR novitads 06:00

Artitgels legids il pli savens