Siglir tar il cuntegn

Header

cuntegn

Urbi et Orbi Papa Francestg dat curaschi als Ucranais ed Ucranaisas

Papa Francestg ha er nizzegià ses messadi da Pasca «Urbi et Orbi» per far in appell urgent encunter las guerras ed ils conflicts sin il mund. Ins haja vis memia bler sponder sang, memia blera violenza, ha ditg il parsura da la baselgia catolica avant 100'000 cartentas e cartents sin la plazza da Son Peder a Roma. El ha discurrì d'ina Pasca da la guerra. E ch'i giaja bainbaud in'alva da la damaun da la speranza sur questa notg sgarschaivla dal patir e da la mort. Il papa ha dasper l'Ucraina er regurdà al patir en auters conflicts, sco en la Siria, il Jemen, l'Irak, l'Afganistan, la Libia, il Myamnar e l'Africa.

Celebraziun da la levada

En il dom da son Peder ha papa Francestg celebrà la liturgia da la notg da Pasca ed è sa regurdà da la levada da Jesus. Per in punct culminant emoziunal ha il papa procura la fin da ses predi: El è sa drizzà ad Iwan Fedorow, il president da la citad ucranaisa Melitòpol. Ils cartents fetschian uraziun cun e per l’Ucraina, uschia il papa. En pli ha el fatg curaschi a las Ucranaisas ed Ucranais ed ha finì ses predi cun ils pleds »Jesus è levà da mort en vita« – e quai betg per talian u latin, mabain per ucranais.

Giasts da l'Ucraina

Iwan Fedorow è vegnì rapinà dals Russ e silsuenter laschà liber en il rom dad in barat da praschuniers. Ensemen cun parlamentaris ucranais è el stà giast en il Vatican.

Ord l'archiv

video
Il papa celebrescha la liturgia da la notg da Pasca
Or da News-Clip dals 20.04.2019.
laschar ir. Durada: 1 minuta 3 Secundas.

RTR novitads 06:00

Artitgels legids il pli savens