Siglir tar il cuntegn

Header

Vaccin.
Legenda: Il vaccin dal producent Astrazeneca è per 70% segir encunter il coronavirus. Keystone
cuntegn

Vaccin da corona Vaccin dad Astrazeneca 70% segir

Il vaccin cunter il coronavirus dal producider Astrazeneca saja per 70% effectiv. Quai mussan ils resultats da l'impurtanta fasa da test trais ch'il concern britannic-svedais ha publitgà oz.

Ins haja resguardà las datas d'ina vaccinaziun singula e d'ina vaccinaziun dubla. Auters produciders han gia publitgà resultats pli empermettents. Tar ina vaccinaziun dubla empermettan Pfizer/Biontech e Moderna in'effectivitad da 95%.

Il vaccin dad Astrazeneca po vegnir magasinà tar temperaturas da frestgera dad otg fin dus grads. Resguardà per quest resultat intermediar hajan ins ils resultats da datas d'ina fasa cumbinada 2 e 3. Tar quella hajan las persunas da test survegnì sco emprim ina mesa dosa dal vaccin ed in mais pli tard ina dosa entira. Là saja l'effectivitad stada tar radund 90%.

Per l'auter hajan ins er resguardà ils resultats d'in studi en fas 2. Là hajan la persunas da test survegnì duas dosas entiras dal vaccin. Là saja l'effectivitad lura stada tar 62%. Ensemen dettia quai uschia in'effectivitad da 70%. La valitaziun intermediara sa basia sin totalmain 131 cas d'infecziun cun Covid-19.

RTR novitads 10:00

Artitgels legids il pli savens

Scrollar a sanestra Scrollar a dretga