Il concern da farmazia Biontech vul furnir il segund quartal da l’onn fin a 75 milliuns dosas supplementaras da ses vaccin cunter Covid-19 a l’Uniun europeica.
Quai ha communitgà il concern cun sedia a Mainz en Germania. Avant ha er il concurrent AstraZeneca annunzià da furnir dapli dosas a l’UE. L’emprim quartal da l’onn vegnian furnidas 9 milliuns dosas supplementaras, en total 40 milliuns dosas.
