En il departament da las Pireneas è in um mort cura che quel è charrà cun ses auto en ina planta ch'era cupitgada, quai rapportan medias localas. Il venderdi saira eran 70'000 chasadas senza forza electrica.
Valurs da record
Tut en tut èn tschintg persunas vegnidas blessadas. Quai suenter ch'en ils departements Lot-et-Garonne e Landes pliras plantas èn cupitgadas sin autos. Per part han ils vents buffà cun spertadads da fin 142 kilomters l'ura. Quai communitgescha il servetsch da meteorologia franzos. Sin l'insla Corsica hajan ins schizunt mesirà spertadads da 175 kilometers l'ura. Er sonda vegnia quintà cun ferms vents.
RTR novitads 09:00
