La cumissiun da l’UE ha autorisà il vaccin Imvanex encunter la virola da schimgias. Il medicament da l’interpresa Bavarian Nordic vegn gia ozendi duvrà encunter la virola umana. Divers stadis avevan perquai gia acceptà da nizzegiar il medicament per il nov diever. Uss vala la lubientscha per tut ils 27 stadis da l'UE sco era per l’Islanda, il Liechtenstein e la Norvegia. En ils Stadis Unids è il preparat admess cun il num Jynneos.
cuntegn
Virola da schimgias Nov vaccin lubì en l’Uniun europeica
Parter
audio
ord RTR Audio dals 25.07.2022.
laschar ir. Durada: 4 minutas 40 Secundas.
Per tadlar: las novitads da las 17:00
RTR novitads 14:00
Parter