Siglir tar il cuntegn

Header

aviun A380. simbolic
Legenda: Keystone
cuntegn

Virus da corona Svizzers evacuads sa tschentads en Frantscha

L’aviun ch’ha tranter auter transportà tschintg Svizzers ord la regiun da Wuhan è sa tschentà sin ina basa militara datiers da Marseille en la Frantscha dal Sid.

Quai han communitgà las autoritads localas. A bord da l’Airbus A380 sajan er stads trais confamigliars dals Svizzers ed ulteriurs passaschiers da la Frantscha, la Belgia e l’Austria. Tut ils passaschiers dal sgol spezial stoppian uss ir per duas emnas en quarantina per sclauder ch’els sajan s’infectads cun il virus da corona.
Entant èsi enconuschent che duas persunas, che la Germania haja repatrià, sajan s’infectadas cun il virus.

Tenor las autoritads a Peking èn actualmain 304 persunas mortas pervi dal virus e bunamain 15'000 persunas èn infectadas.

RTR novitads 17:00

Artitgels legids il pli savens

Scrollar a sanestra Scrollar a dretga