33 gruppas ubain artistas ed artists singuls da 20 pajais han emplenì las giassas e plazzas da la citad da Cuira – da la via da la staziun fin si la plazza da l'Arcas. Il program era vast, da fitg blera differenta musica ad acts da cumedia fin a numers spectaculars da circus. Era sch'i ha adina puspè pluvì durant il di, è l'atmosfera restada positiva. In u l'autra ha schizunt ballà en la plievgia.
-
Bild 1 von 9. Il Buskers ha gì lieu en l'entir center da Cuira, sco qua sin il Kornplatz cun in'artista che schonglescha cun fieu e fa pantomima ... Bildquelle: RTR.
-
Bild 2 von 9. ... u questa artista che ha gist mess ina spada da sia gula giu. Bildquelle: RTR.
-
Bild 3 von 9. Il public era vast – da blers uffants enfin a persunas pensiunadas che han giudì las preschentaziuns. Bildquelle: RTR.
-
Bild 4 von 9. Sin l'Arcas han ins era pudì observar preschentaziuns. Bildquelle: RTR.
-
Bild 5 von 9. I ha adina puspè pluvì – e lura han ins vis dapli umbrellas che preschentaziuns. Bildquelle: RTR.
-
Bild 6 von 9. Mintgatant è dentant era cumparì curt il sulegl. Bildquelle: RTR.
-
Bild 7 von 9. Paraplievgias e tetgs da plastic han almain per part protegì da la plievgia. Bildquelle: RTR.
-
Bild 8 von 9. Dapertut han ins gì la chaschun d'admirar las artistas ed ils artists. Bildquelle: RTR.
-
Bild 9 von 9. En tut ha la 10avla ediziun dal Buskers tuttina carmalà blera glieud sin las vias da Cuira. Bildquelle: RTR.
L'entrada per il festival Buskers a Cuira è libra. Igl è dentant giavischà ch'ins cumpria in bratschlet per sustegnair il festival, che pretenda ina gronda organisaziun. L'organisatur e fundatur dal Buskers, Christoph Sprecher, lavura sur l'entir onn vi dal project che dat blera lavur. Fundà ha el quel ensemen cun il festival «Aufgetischt» a Son Gagl – ch'è il medem festival, dentant in toc pli grond. Al Buskers a Cuira han var 200 voluntaris e voluntarias gidà da pussibilitar il festival. Il manader Christoph Sprecher è cuntent cun l'andament dal festival.
Nus ans muventain en il sectur dals ultims onns – cun var 20'000 persunas.
Artists ed artistas da tut il mund han grond interess da vegnir al festival – uschia survegn il Buskers mintg'onn enturn 900 annunzias da persunas u gruppas che vulan prender part. Da quellas annunzias vegnan alura elegidas 33 singuls acts, che astgan preschentar lur art sin las vias da Cuira durant quests dus dis dal festival. Ils artists e las artistas survegnan ils daners per il viadi ed ina dimora – lur paja è dentant ils raps ch'els ramassan alura sin via.
Archiv: Il 2016 ha RTR visità il Buskers cun la camera: