Las elecziuns da la regenza grischuna e dal Cussegl grond èn l'auter onn ils 15 da matg. La regenza ha fixà il termin d'elecziuns per la proxima perioda d'uffizi da 4 onns. In eventual segund scrutini vegn ad esser in mais pli tard.
Il settember vegn la regenza a decider co ils sezs dal Cussegl grond vegnan repartids sin ils circuls electorals. L'auter onn vegnan Grischunas e Grischuns ad eleger il Cussegl grond per l'emprima giada tenor il nov sistem da proporz dubel.