En il Grischun han ils hotels nudà il november da l'onn passà bunamain 110'000 pernottaziuns. Cumpareglià cun la medema perioda da l'onn avant saja quai in plus da 2%, scriva l'Uffizi per economia e turissem dal Grischun. Il dumber da giasts svizzers è sa reducì per 3,4% sin bun 83'700 persunas. In grond minus hai dà en la regiun da Bravuogn Filisur. In grond plus han nudà las regiuns da Mustér Sedrun e la Val Puschlav.
En tut la Svizra èn las pernottaziuns s'augmentadas per 7% sin 2,25 milliuns. Il dumber da giasts da l'exteriur è creschì per passa 12% sin 1,1 milliuns persunas.