La chatscha supplementara saja stada pretensiusa pervi da l'aura, scriva il chantun. Pervi da las temperaturas autas saja la selvaschina stada repartida fitg e betg en ils quartiers d'enviern.
Tuttina hajan ins cuntanschì las finamiras dal plan da reducziun cumplainamain tar ils chavriels, e per 95% tar ils tschiervs, di Lukas Walser da l'Uffizi chantunal da chatscha. En tut èn vegnids sajettads 4'630 tschiervs, 2'776 chavriels, 2'894 chamutschs e 78 portgs selvadis.
Durant la chatscha da l'onn passà hai dà differenzas regiunalas, inclusiv era tar la chatscha supplementara. En la Val Mesolcina, en Bregaglia ed en la regiun da Puschlav han ils chatschaders e las chatschadras gì bun success da chatscha. Percunter en ina part da la Surselva sco er en il Signuradi n'han els betg cuntanschì la quota da sajettar.
Ils ultims 5 onns è sa reducì il dumber da tschiervs en il Grischun per 17%. Quai èn 2'700 tschiervs pli pauc. Quel dumber pli bass e la preschientscha d'animals da rapina sco per exempel il luf influenzeschian la chatscha.
Or da l'archiv:
